ਮੁੰਬਈ, 24 ਨਵੰਬਰ
ਆਲਮੀ ਬਾਜ਼ਾਰ ਵਿੱਚ ਮਜ਼ਬੂਤ ਰੁਝਾਨਾਂ, ਆਈਟੀ, ਬੈਂਕਿੰਗ ਤੇ ਕੱਚੇ ਤੇਲ ਦੇ ਸਟਾਕਸ ਵਿਚ ਤੇਜ਼ੀ ਕਰਕੇ ਬੰਬੇ ਸਟਾਕ ਐਕਸਚੇਂਜ ਦਾ 30 ਸ਼ੇਅਰਾਂ ਵਾਲਾ ਸੈਂਸੈਕਸ 762.10 ਨੁਕਤਿਆਂ ਦੇ ਉਛਾਲ ਨਾਲ ਅੱਜ 62,272.68 ਦੇ ਰਿਕਾਰਡ ਪੱਧਰ ’ਤੇ ਬੰਦ ਹੋਇਆ। ਉਂਜ ਦਿਨ ਦੇ ਕਾਰੋਬਾਰ ਸ਼ੇਅਰ ਬਾਜ਼ਾਰ ਇਕ ਵਾਰ 62,412.33 ਦੇ ਸਿਖਰਲੇ ਪੱਧਰ ਨੂੰ ਵੀ ਪੁੱਜਾ। ਉਧਰ ਨੈਸ਼ਨਲ ਸਟਾਕ ਐਕਸਚੇਂਜ ਦੇ ਨਿਫਟੀ ਨੇ ਵੀ 216.85 ਨੁਕਤਿਆਂ ਦਾ ਵਾਧਾ ਦਰਜ ਕੀਤਾ ਤੇ 18,484.10 ਦੀ ਰਿਕਾਰਡ ਉਚਾਈ ’ਤੇ ਪਹੁੰਚ ਗਿਆ। ਆਈਸੀਆਈਸੀਆਈ ਬੈਂਕ, ਐੱਚਡੀਐੱਫਸੀ ਬੈਂਕ, ਐੱਚਡੀਐੱਫਸੀ ਲਾਈਫ, ਇੰਫੋਸਿਸ ਆਦਿ ਸ਼ੇਅਰਾਂ ’ਚ ਉਛਾਲ ਆਇਆ। -ਪੀਟੀਆਈ