13.5 C
Patiāla
Tuesday, December 6, 2022

ਏਮਸ ਦਾ ਸਰਵਰ ਬੰਦ ਹੋਣ ਕਾਰਨ ਓਪੀਡੀ ਸੇਵਾਵਾਂ ਪ੍ਰਭਾਵਿਤ : The Tribune India

Must read


ਨਵੀਂ ਦਿੱਲੀ, 23 ਨਵੰਬਰ

ਨਵੀਂ ਦਿੱਲੀ ਦੇ ਏਮਸ ਵਿੱਚ ਕੌਮੀ ਸੂਚਨਾ ਵਿਗਿਆਨ ਕੇਂਦਰ ਦੇ ਈ-ਹਸਪਤਾਲ ਦਾ ਸਰਵਰ ਸਵੇਰੇ ਸੱਤ ਵਜੇ ਤੋਂ ਬੰਦ ਹੋਣ ਕਾਰਨ ਓਪੀਡੀ ਅਤੇ ਨਮੂਨੇ ਇਕੱਠੇ ਕਰਨ ਦੀਆਂ ਸੇਵਾਵਾਂ ਪ੍ਰਭਾਵਿਤ ਹੋਈਆਂ। ਏਮਸ ਦੇ ਅਧਿਕਾਰੀਆਂ ਨੇ ਕਿਹਾ ਕਿ ਇਹ ਸਾਰੀਆਂ ਸੇਵਾਵਾਂ ਇਸ ਸਮੇਂ ਮੈਨੂਅਲ ਆਧਾਰ ’ਤੇ ਚੱਲ ਰਹੀਆਂ ਹਨ। ਏਮਸ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਸੰਸਥਾ ਵਿੱਚ ਕੰਮ ਕਰ ਰਹੀ ਕੌਮੀ ਸੂਚਨਾ ਵਿਗਿਆਨ ਕੇਂਦਰ (ਐੱਨਆਈਸੀ) ਦੀ ਇੱਕ ਟੀਮ ਨੂੰ ਸੂਚਨਾ ਦੇ ਦਿੱਤੀ ਗਈ ਹੈ ਕਿ ਇਹ ਇੱਕ ਫਿਰੌਤੀ ਵਸੂਲਣ ਲਈ ਕੀਤਾ ਹਮਲਾ ਹੋ ਸਕਦਾ ਹੈ, ਜਿਸ ਬਾਰੇ ਉੱਚ ਅਧਿਕਾਰੀਆਂ ਵੱਲੋਂ ਜਾਂਚ ਕੀਤੀ ਜਾਵੇਗੀ। ਏਮਸ ਦੇ ਇੱਕ ਅਧਿਕਾਰੀ ਨੇ ਕਿਹਾ, ‘‘ਸਰਵਰ ਬੰਦ ਹੋਣ ਕਾਰਨ ਸਮਾਰਟ ਲੈਬ, ਬਿੱਲ ਦੀ ਅਦਾਇਗੀ ਦਾ ਕੰਮ, ਰਿਪੋਰਟ ਬਣਾਉਣ ਅਤੇ ਡਾਕਟਰਾਂ ਤੋਂ ਸਮਾਂ ਲੈਣ ਵਾਲੇ ਸਿਸਟਮ ਸਮੇਤ ਓਪੀਡੀ ਅਤੇ ਆਈਪੀਡੀ ਡਿਜੀਟਲ ਸੇਵਾਵਾਂ ਪ੍ਰਭਾਵਿਤ ਹੋਈਆਂ ਹਨ।’’ ਇੱਕ ਹੋਰ ਅਧਿਕਾਰੀ ਨੇ ਕਿਹਾ ਕਿ ਓਪੀਡੀ ਅਤੇ ਸੈਂਪਲ ਇਕੱਠੇ ਕਰਨ ਦੀਆਂ ਸੇਵਾਵਾਂ ਮੈਨੂਅਲ ਮੋਡ ਰਾਹੀਂ ਮੁਹੱਈਆ ਕਰਵਾਈਆਂ ਗਈਆਂ ਹਨ। ਏਮਸ ਨੇ ਬਿਆਨ ਵਿੱਚ ਕਿਹਾ ਕਿ ਡਿਜੀਟਲ ਸੇਵਾਵਾਂ ਬਹਾਲ ਕਰਨ ਲਈ ਜ਼ਰੂੁਰੀ ਕਦਮ ਚੁੱਕੇ ਜਾ ਰਹੇ ਹਨ ਅਤੇ ਭਾਰਤੀ ਕੰਪਿਊਟਰ ਐਮਰਜੈਂਸੀ ਰਿਸਪਾਂਸ ਟੀਮ (ਸੀਈਆਰਟੀ-ਇਨ) ਅਤੇ ਐੱਨਆਈਸੀ ਦੀ ਮਦਦ ਲਈ ਜਾ ਰਹੀ ਹੈ। ਬਿਆਨ ਵਿੱਚ ਕਿਹਾ ਗਿਆ, ‘‘ਭਵਿੱਖ ਵਿੱਚ ਅਜਿਹੇ ਹਮਲਿਆਂ ਨਾਲ ਨਜਿੱਠਣ ਲਈ ਏਮਸ ਅਤੇ ਐੱਨਆਈਸੀ ਹੋਰ ਸਾਵਧਾਨੀ ਵਰਤਣਗੇ। ਸ਼ਾਮ 7:30 ਵਜੇ ਤੱਕ ਹਸਪਤਾਲ ਵਿੱਚ ਸੇਵਾਵਾਂ ਵਿਅਕਤੀਗਤ ਤੌਰ ’ਤੇ ਮੁਹੱਈਆ ਕਰਵਾਈਆਂ ਜਾ ਰਹੀਆਂ ਹਨ।’’ -ਪੀਟੀਆਈ





News Source link

- Advertisement -

More articles

- Advertisement -

Latest article