ਕੋਪਨਹੈਗਨ, 14 ਅਕਤੂਬਰ
ਨਾਰਵੇ ਵਿੱਚ ਇੱਕ 50 ਸਾਲਾ ਰੂਸੀ ਵਿਅਕਤੀ ਨੂੰ ਦੋ ਡਰੋਨਾਂ ਸਮੇਤ ਹਿਰਾਸਤ ਵਿੱਚ ਲਿਆ ਗਿਆ ਹੈ ਅਤੇ ਖਦਸ਼ਾ ਹੈ ਕਿ ਉਸ ਨੇ ਦੇਸ਼ ਵਿੱਚ ਕਿਤੇ ਮਨੁੱਖ ਰਹਿਤ ਹਵਾਈ ਵਾਹਨ ਉਡਾਏ ਹਨ। ਮੰਗਲਵਾਰ ਨੂੰ ਹਿਰਾਸਤ ਵਿੱਚ ਲਏ ਗਏ ਇਸ ਰੂਸੀ ਵਿਅਕਤੀ ਦੀ ਹਾਲੇ ਪਛਾਣ ਨਹੀਂ ਹੋ ਸਕੀ। ਨਾਰਵੇ ਦੇ ਮੀਡੀਆ ਅਨੁਸਾਰ ਕਸਟਮ ਅਧਿਕਾਰੀ ਜਦੋਂ ਸਟੌਰਸਕੌਗ ਸਰਹੱਦ ਨੇੜੇ ਜਾਂਚ ਕਰ ਰਹੇ ਸਨ ਤਾਂ ਉਨ੍ਹਾਂ ਨੂੰ ਉਸ ਦੇ ਸਾਮਾਨ ‘ਚੋਂ ਦੋ ਡਰੋਨ ਅਤੇ ਕਈ ਇਲੈਕਟ੍ਰਾਨਿਕ ਸਟੋਰੇਜ ਉਪਕਰਨ ਮਿਲੇ। ਸਰਕਾਰੀ ਵਕੀਲ ਨੇ ਰੂਸ ਵੱਲੋਂ ਯੂਕਰੇਨ ‘ਤੇ ਕੀਤੇ ਗਏ ਹਮਲੇ ਤੋਂ ਬਾਅਦ ਲਾਈਆਂ ਗਈਆਂ ਪਾਬੰਦੀਆਂ ਦੀ ਉਲੰਘਣਾ ਕਰਨ ਦਾ ਖਦਸ਼ਾ ਪ੍ਰਗਟਾਇਆ ਹੈ। -ਏਪੀ