ਇਸ ਮੌਸਮ ਵਿੱਚ ਸੇਬ ਬਹੁਤ ਖਾਏ ਜਾਂਦੇ ਹਨ, ਇਸ ਲਈ ਮਾਰਕੀਟ ਵਿੱਚ ਹਰ ਕਿਸਮ ਦੇ ਸੇਬ ਆਉਣ ਲੱਗ ਪੈਂਦੇ ਹਨ। ਇਨ੍ਹਾਂ ਵਿੱਚੋਂ ਕੁਝ ਸੇਬ ਬਹੁਤ ਹੀ ਲਾਲ ਅਤੇ ਆਕਰਸ਼ਕ ਦਿੱਖ ਵਾਲੇ ਹੁੰਦੇ ਹਨ, ਜਿਨ੍ਹਾਂ ਨੂੰ ਵੇਖ ਕੇ ਲੋਕ ਤੁਰੰਤ ਖਰੀਦਣ ਦਾ ਮਨ ਬਣਾ ਲੈਂਦੇ ਹਨ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਬਿਲਕੁਲ ਜ਼ਿਆਦਾ ਲਾਲ ਦਿੱਖ ਵਾਲੇ ਇਹ ਸੇਬ ਸਿਹਤ ਲਈ ਨੁਕਸਾਨਦਾਇਕ ਵੀ ਹੋ ਸਕਦੇ ਹਨ? ਅਸਲ ਵਿੱਚ ਸੇਬਾਂ ਨੂੰ ਲੰਬੇ ਸਮੇਂ ਤੱਕ ਤਾਜ਼ਾ ਰੱਖਣ ਲਈ ਉਨ੍ਹਾਂ ‘ਤੇ ਕੇਮਿਕਲ ਕੋਟਿੰਗ ਕੀਤੀ ਜਾਂਦੀ ਹੈ। ਇਹ ਕੋਟਿੰਗ ਸੇਬਾਂ ਨੂੰ ਵੇਖਣ ਵਿੱਚ ਤਾਂ ਸੁੰਦਰ ਬਣਾ ਦਿੰਦੀ ਹੈ, ਪਰ ਜਦੋਂ ਇਹ ਸਰੀਰ ਵਿੱਚ ਜਾਂਦੀ ਹੈ ਤਾਂ ਕਈ ਤਰ੍ਹਾਂ ਦੀਆਂ ਸਮੱਸਿਆਵਾਂ ਪੈਦਾ ਕਰ ਸਕਦੀ ਹੈ। ਇਸ ਕਰਕੇ ਸੇਬਾਂ ਨੂੰ ਸਹੀ ਤਰੀਕੇ ਨਾਲ ਸਾਫ਼ ਕਰਨਾ ਬਹੁਤ ਜ਼ਰੂਰੀ ਹੈ। ਹਾਲਾਂਕਿ ਬਹੁਤ ਘੱਟ ਲੋਕਾਂ ਨੂੰ ਸੇਬ ਖਰੀਦਣ ਅਤੇ ਧੋਣ ਦਾ ਸਹੀ ਤਰੀਕਾ ਪਤਾ ਹੁੰਦਾ ਹੈ।
ਸੇਬਾਂ ‘ਤੇ ਵੈਕਸ ਕੋਟਿੰਗ ਕਿਉਂ ਕੀਤੀ ਜਾਂਦੀ ਹੈ?
ਸੇਬਾਂ ਨੂੰ ਲੰਬੇ ਸਮੇਂ ਤੱਕ ਤਾਜ਼ਾ ਬਣਾਈ ਰੱਖਣ ਲਈ ਉਨ੍ਹਾਂ ‘ਤੇ ਵੈਕਸ ਦੀ ਕੋਟਿੰਗ ਕੀਤੀ ਜਾਂਦੀ ਹੈ। ਇਸ ਨਾਲ ਸੇਬ ਜਲਦੀ ਖਰਾਬ ਨਹੀਂ ਹੁੰਦੇ ਅਤੇ ਉਨ੍ਹਾਂ ਨੂੰ ਆਸਾਨੀ ਨਾਲ ਸਟੋਰ ਵੀ ਕੀਤਾ ਜਾ ਸਕਦਾ ਹੈ। ਵੈਕਸ ਕੋਟਿੰਗ ਕਾਰਨ ਸੇਬ ਵੇਖਣ ਵਿੱਚ ਵਾਕਈ ਸੁੰਦਰ ਤੇ ਚਮਕਦਾਰ ਲੱਗਦੇ ਹਨ, ਪਰ ਇਹ ਕੋਟਿੰਗ ਸਿਹਤ ਲਈ ਕਾਫ਼ੀ ਨੁਕਸਾਨਦਾਇਕ ਵੀ ਹੋ ਸਕਦੀ ਹੈ।
ਵੈਕਸ ਲੱਗੇ ਸੇਬਾਂ ਦੀ ਪਹਿਚਾਣ ਕਿਵੇਂ ਕਰੀਏ?
ਵੈਕਸ ਵਾਲੇ ਸੇਬਾਂ ਦੀ ਪਹਿਚਾਣ ਕਰਨਾ ਕਾਫ਼ੀ ਆਸਾਨ ਹੁੰਦਾ ਹੈ। ਅਜਿਹੇ ਸੇਬ ਬਹੁਤ ਜ਼ਿਆਦਾ ਚਮਕਦਾਰ ਅਤੇ ਗੂੜ੍ਹੇ ਲਾਲ ਰੰਗ ਦੇ ਦਿਸਦੇ ਹਨ। ਉਨ੍ਹਾਂ ਦੀ ਸਤਹ ਬਿਲਕੁਲ ਚਿਕਣੀ ਹੁੰਦੀ ਹੈ ਅਤੇ ਕਈ ਵਾਰ ਉੱਪਰ ਸਫੈਦ ਜਿਹੀ ਪਰਤ ਵੀ ਨਜ਼ਰ ਆਉਂਦੀ ਹੈ। ਜੇ ਤੁਹਾਨੂੰ ਇਸ ਤਰ੍ਹਾਂ ਦੇ ਸੇਬ ਦਿਖਾਈ ਦੇਣ, ਤਾਂ ਉਨ੍ਹਾਂ ਨੂੰ ਨਾ ਖਰੀਦਣਾ ਹੀ ਬਿਹਤਰ ਹੁੰਦਾ ਹੈ।
ਸੇਬ ਧੋਣ ਦਾ ਸਹੀ ਤਰੀਕਾ ਕੀ ਹੈ?
ਸਭ ਤੋਂ ਪਹਿਲਾਂ ਗਰਮ ਪਾਣੀ ਲਓ ਅਤੇ ਸੇਬਾਂ ਨੂੰ ਲਗਭਗ 5 ਮਿੰਟ ਲਈ ਉਸ ਵਿੱਚ ਭਿੱਜਾ ਕੇ ਰੱਖੋ। ਇਸ ਨਾਲ ਵੈਕਸ ਦੀ ਉੱਪਰੀ ਪਰਤ ਨਿਕਲਣ ਲੱਗ ਪੈਂਦੀ ਹੈ।
ਇਸ ਤੋਂ ਵੀ ਵਧੀਆ ਤਰੀਕਾ ਇਹ ਹੈ ਕਿ ਪਾਣੀ ਵਿੱਚ ਥੋੜ੍ਹਾ ਬੇਕਿੰਗ ਸੋਡਾ ਮਿਲਾ ਲਵੋ ਅਤੇ ਸੇਬਾਂ ਨੂੰ ਕਰੀਬ 15 ਮਿੰਟ ਤੱਕ ਭਿੱਜਾ ਰਹਿਣ ਦਿਓ। ਇਸ ਤੋਂ ਬਾਅਦ ਸੇਬਾਂ ਨੂੰ ਸਾਫ਼ ਪਾਣੀ ਨਾਲ ਚੰਗੀ ਤਰ੍ਹਾਂ ਧੋ ਲਵੋ ਅਤੇ ਸੁਕਾਉਣ ਲਈ ਰੱਖ ਦਿਓ।
ਹੁਣ ਤੁਸੀਂ ਇਨ੍ਹਾਂ ਦਾ ਇਸਤੇਮਾਲ ਕਰ ਸਕਦੇ ਹੋ। ਜੇ ਤੁਸੀਂ ਚਾਹੋ ਤਾਂ ਛਿਲਕਾ ਉਤਾਰ ਕੇ ਵੀ ਸੇਬ ਖਾ ਸਕਦੇ ਹੋ।
ਸੇਬ ਖਰੀਦਦੇ ਸਮੇਂ ਇਨ੍ਹਾਂ ਗੱਲਾਂ ਦਾ ਧਿਆਨ ਰੱਖੋ
ਹਮੇਸ਼ਾ ਚੰਗੀ ਕੁਆਲਿਟੀ ਦੇ ਸੇਬ ਹੀ ਖਰੀਦੋ ਅਤੇ ਜਿਨ੍ਹਾਂ ‘ਤੇ ਸਟੀਕਰ ਲੱਗੇ ਹੋਣ ਉਹਨਾਂ ਨੂੰ ਤਰਜੀਹ ਦਿਓ।
ਲੋਕਲ ਜਾਂ ਮੌਸਮੀ ਸੇਬ ਖਰੀਦਣਾ ਵਧੀਆ ਰਹਿੰਦਾ ਹੈ, ਕਿਉਂਕਿ ਵੈਕਸ ਵਾਲੇ ਸੇਬ ਅਕਸਰ ਪੂਰੇ ਸੀਜ਼ਨ ਦੌਰਾਨ ਮਿਲਦੇ ਰਹਿੰਦੇ ਹਨ।
ਸੰਭਵ ਹੋਵੇ ਤਾਂ ਆਰਗੈਨਿਕ ਸੇਬ ਖਰੀਦਣ ਦੀ ਕੋਸ਼ਿਸ਼ ਕਰੋ, ਇਹ ਮਾਰਕੀਟ ਵਿੱਚ ਆਸਾਨੀ ਨਾਲ ਮਿਲ ਜਾਂਦੇ ਹਨ।
Disclaimer: ਖ਼ਬਰਾਂ ਵਿੱਚ ਦਿੱਤੀ ਗਈ ਕੁਝ ਜਾਣਕਾਰੀ ਮੀਡੀਆ ਰਿਪੋਰਟਾਂ ‘ਤੇ ਅਧਾਰਤ ਹੈ। ਕਿਸੇ ਵੀ ਸੁਝਾਅ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਬੰਧਤ ਮਾਹਿਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।
Check out below Health Tools-
Calculate Your Body Mass Index ( BMI )
Calculate The Age Through Age Calculator
ਹੋਰ ਪੜ੍ਹੋ